قبل اكثر من عشر سنوات حدثت محاورة بين الاخ سعود البناقي وبين اخوه الاكبر جمعه البناقي (هام قلبي ) وكان الاثنان لايزالان في بداية تجربتهما الشعرية فابتدا الاخ الاصغر بهذه القصيدة
يقول الشاعر سعود
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يارب يالمعبود ياخالق البيت = ياواحدن عالم خفايا بشرها
ياخالقن بالناس عاقل ومجنون = ياللي جعلت القاع ينبت شجرها
ياللي خلقت الكون في ستة ايام = بامرك جعلت الغيث تنزل مطرها
من بعد ذكرك جبت حلو المثايل = يوم الغضي سبب لعيني سهرها
الصاحب اللي بالمحبه مشالي = اللي عليه العين تذرف عبرها
سبحان من سواه رب المخاليق = ابو جديلن فوق ممتنه نثرها
يازين زوله لامشى ناعم العود = اليا قبلت فاحت روايح عطرها
تكفى يابو مشعل علينا تكرم = جب لي مرد العلم والكم شكرها
من فرقت المجمول قلبي تعذب = وحالي تراها اليوم زايد خطرها
وختامها مني صلاة وتسليم = على النبي اعداد يوم وشهرها[/poem]
فرد عليه الشاعر جمعه البناقي قائلا
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مبداي باللي ترجي الناس رحمته = يامثبتن قاعه بقاسي صخرها
ياعايدن للقاع من عقب المحل = ياعالمن مايخفيه باطن بحرها
بعد ذكرك يالولي صغت شعري = مثايلن من قلب شاعر حكرها
يامرحبا باللي بعثلي ابياته = اعداد مامرت ليالي دهرها
واعداد ماغنت طيور البلابل = واعداد ماهيلن يدق بنجرها
من ابتلا بالحب يصبر على الجفا = والا عن دروبه يقدم عذرها
درب الهوا دايم عسير المسالك = لابد تمرك بالمحبه هجرها
خلك على فرقى المواليف صابر= عقب الجفا لابد تجني زهرها
وقلبي مثل قلبك رماه الهوا = خلن رماني في مهالك خطرها
لاناموا الخالين عيني تحب السهر = ياسعود عافت نومها من سهرها
على وليفن كدر اليوم فرحتي = عقب الفرح روحي بصده كسرها
وانا ادري انه مايطيع العواذل = قلبي دليلي مايطاوع بشرها
خلن عليه الوصف كامل مكمل = ومن الظبي ماخذ وصايف نظرها
يشبه لعود الموز لاهزه الريح = ونهدن صغيرن تو بادي ثمرها
خده منور بالمحبه ومشرق = يشبه لبدرن بانتصافة شهرها
خليت من شانه جميع العذارى = عيني عن الخفرات غايب بصرها
ولاتشاهد الا من رماها بنظره = ربي على كل العذارى نصرها
اشتاق له لاغاب عني تكدرت = ولاشفت زوله راح عني كدرها
قلبي يوده والموده بلتني = خلتني امشي في جوانب نهرها
لاحيد لايمنى ولاحيد يسرى = لوه يعرضني مسالك وعرها
بينتلك ياسعود وصفن لحالتي = عن صاحبي بينت صادق خبرها
اسبوع مر ولا لفاني خبرهم = جفت غصوني ماسقاني مطرها
ياسعود وصل للحبيب رسالتي = تكفى يابو مازن تعجل بامرها
وسلم على اللي بالمحبه هجرني = قله ترى عيني تزايد كدرها
كنه يبي قربي ترانا نريده = نبغى يابو مازن نحصل مهرها
وكنه بغى غيري سفيره دروبه = هذا نصيب النفس وايضا قدرها
وصلاة ربي عد ماهل بارق = على نبين للشريعة نشرها[/poem]