بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
حبيت انقل لكم هذة القصيدة للشاعر طخطيخ عامر الجميلي وفيها من الحكم الرائعه
[poem=font="Arabic Transparent,6,,normal,normal" bkcolor="transparent" bkimage="http://www.aljmeel.com/vb/mwaextraedit2/backgrounds/173.gif" border="none,4," type=0 line=1 align=center use=ex num="0,black""]
أعطيك مني كلمتين
يقـول مـن سـوى بيـوت عجـيبه = يـا سامـع القيـفان بالحيل يعجبك
اعطـيك مـني كلـمتـين مـصـيبه = أحـرص عليهن وأحتفضهن بواجبك
الاولـه مـا هـي علـيكم غـريـبه = الـبر بالوالـد عـن النـار يحجبك
حـقـه علـيك واجـبه تـعتني بـه = أمـش برضـاه وخالقك مـا يخيبك
ودار الـعجـوز الـلي رضعتوا حليبه = تسعـه شهـور بطنها قـبل تنجبك
عانـت على شـانك أمـور صعـيبه = وتعرضـت مشـاكلِ مـن سبايبـك
حـتى لذيـذ الـنوم مـا تهتني بـه = لاشافتـك مـرضان قامـت تزهزبك
يـلزم عليـك حقـوق شايب وشيبه = أمـك وأبـوك أمـأنه الله بشاربـك
ياصاحـبي سـود اللـيالي تعـيبـه = بالعـون منـها مـا تحصل مطالبك
اليـوم بعيـونك تشــوف الغليـبه = لـوك شجـاع مـن الرجاجيل تتعبك
تغيـرت بومـور مـا هـي قـريبه = يالذيـب ما تشوف الحصيني معقبك
لـوح علـى شدادك وصـرت الجنيبه = وقـاد السلف بك وأنت قفوه مركبك
وقـت غـدت حـتى العفون تحكي به = طـالت شواربهم وقصـرت شواربك
الـيـوم راع الـمـال كـلِ حبيـبه = تركـض وراه النـاس وأنته تجنبك
لـو أنـت طـيب مـن رجالِ عريبه = لاقـل مـالك شفـت ما حد يصاحبك
ولـو يرجـع الماضي ويخضر شعيبه = شفـت الحصـيني يبتـعد ما يقاربك
ويصـيـر والله للاجـاويد هيــبـه = ولـد الردي يقعـد وتصفي مشاربك
ويعــرف بهـا الطيب ويشكر بطيبه = والذيـب يأخـذ صـيدته من حلايبك
لاشـك عنـدي لـك نصيـحه مثيبه = مـن واحـدِ جـرب زمانه وخاطبك
ابعـد عـن المقـرود لا تبـتليـبه = مقـارب الا جرب على الحول يعطبك
وأحـذر تـري خفـافه الرجـل عيبه = زود السفـاهـه تذربـك مـا تذربك
لصار مـا يبـدي لـزومِ تجـي بـه = حتـى المجالـس تكـرهك ما تفزبك
وحـذرك عـن كشف السدود المغيبه = لا تكشـف الغـره تـرىَ الله مـراقبك
لا تـحسب كشـف المغيبه كسيـبه = بـالك تمــثنا خطـة اللـي مجنـبك
لا تـولع الفتـنـه وتشعـل لهيـبه = تطيـح بالعـوجا وتكـبر مصـايبـك
جنـب عـن اللـي جنـبك وش تبيبه =لا طحت فيـها مـا تفيدك طـلايـبك
سـود الليالـي مـا تعـلـم بغيـبه = وأن مـوحـت بك لوحت فوق غاربك
وأيـاك عـن طـرد المقفين خـيبـه = لا تتـبع المـقفي بطـرده يعــذبـك
طـرداً بـلا مصلـوح ملفـاه سـيبه = وعزي لمن يركض وركضه على الدبك [/poem]