الشاعر : سعيد المحطب
يالله ياللي تعلم السر والغيب
يا مجريٍ فلك البحر في بحرها
تقرج لعينٍ كن فيها مشاهيب
جرح مدامعها سبايب كدرها
والقلب هاض ورتب القاف ترتيب
جزل المعاني في بيوتٍ حكرها
من هاجسٍ لا دق بابه مناديب
باعه طويل وخطوته ما مقصرها
يا صاحبي ما ارد هماج المشاريب
واللاش تقصر هقوته ما قدرها
ودام المراجل للنشامى مطاليب
ما تهتني عين الفتى من سهرها
يسهر على فعل الرجال المعاطيب
اللي بفعل الطيب كلن ذكرها
يدرى عرق وجهه عن الذم والعيب
وعن كلمةٍ يبقى بالالسن خبرها
يحكي بها الادنين وايضا الاجانيب
وكلٍ على ما قيل قام ونشرها
واسمع كلامي ياعزيز الاصاحيب
سود الليالي ما ومنا ضررها
افعل فعول الطيب وتعانق الطيب
وطول المسافة بينهن تختصرها
والناس واجد فيهم مصيب ومخيب
رجلٍ رقى العليا والاخر حدرها
ولالي ورى فعول الاوادم مكاسيب
الله عليم بسرها وبجهرها
لكن اشوف من الليالي تعاجيب
عبرة لمن يعرف مواعظ عبرها