قصيده غزليه لابن رشيد الطرفاوي

الاخوه الاعزاء اطرح بين يديكم هذه القصيدة المتواضعه حيث اني افتقد الخبره الشعريه
انتظر تفاعلكم واعذروني من القصور

يـــــــــــــــــــــــــــــاغايتي

[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""] ياصاحبي ليـــه الزعل خذني بهون = ماللزعل في عالم الحب خانه
تبغى قصيدة وصـف حاضـر وممنون = كل القـــوافي في يميني رهانه
يــاغــايتي يـا فتنة اللي يشوفـــون = عـزالله انك بالتواصـيف دانـــه
حوراعيون ورمش ساطي ومسنون = وخـد ٍ طـريٍ كنـه القحـويانـــه
في حجتك سهم الخطرصارمقرون = يا لله عونك يا سريع الاعـانـــه
في مبسمك جمْروبرد مدري شلون = هاك العسل من دونه الديدحانـــه
ترفة قوام معزله غضة غصون = عــودٍ ليــان وزايــدٍ با لليـــانـــه
واليا تثنيتـي على القـاع بالهــــون = مــــا كنك الاميلـة الخيــزرانـــه
لك منزلٍ في خافقي دوم مصيون = تفنــى سنينـي مـاتغيـر مكــانـــه
اقلط وتلقى لك مباهيروصحــون = ضيفٍ حشـيم ولاتجيك الاهــانـــه
واليانعست افرش لك عيون وجفون = جفنٍ فراش وجفن الاخـربطـانـــه
حبـك بقلبـي شيـد اسـوار وحصـون = جدرانها بيـض النوايــا لبــانـــه
و لـوامتـــي بـك كـل يـومٍ يلومـون = وسمعي يبادل لومهم بصقهـانـــه
مـن يعشقـك لامايبـي كل مضنـون = عـزالله انـه ضاحكٍ لـه زمـانـــه
ولـوحطوابراحة يـدي مـال قـارون = ما بـدل اللـي محتوينـي حنـانـــه
وياصاحبي مني عهد حب مضمون = واللي تبيه أعطيك مني ضمانه
دامك معي وافـي فانا فيـك مفتـون = وحـرام منـي ما تجيك الخيـانـــه
للحين ضـــايق قلتلك خذني بهون = مافيه شـــي تخاصميني عشااانه[/poem]

ودمتم بحب

الله واكبر وش هالزين قصيدة بغاية الجمال

اسمح لي ان انسقها


نحن من يفتقد الخبرة امام هذه الرائعة

بيض الله وجهك شكراً على المرور العطر

بسم الله الرحمن الرحيم

السلام عليكم ورحمة الله وبركاته

أخي / أبن رشيدالطرفاوي


بوادر خير... رائعه كصاحبهااااا


تحيتي

صح الله لسانك على هذه الدرر الرائعه

المرقبي
المطنوخ
يشرفني مروركم

بداية احييك وارحب بك بين اخوانك واهلك ........... وانضمامك وتواجدك يزيدنا شرفا
واهنيئك على هذا الابداع الشعري.... وصح لسانك على هذه الرائعة والكلمات الجزله
ارجو منك التواصل ......... والى الامام

أخي ابن رشيد الطرفاوي صح لسانك
شـكــ وبارك الله فيك ـــرا لك ... لك مني أجمل تحية .