الذهانه

كل الدروب اللي تبـــيهـــا تساوت --- تــبي وصــل 0ولاتبيها لعــانه


السالفه معــــاد فيهــــا تفاوت --- مالك ولالي بالمواصـــل حصـانه


بيبان صمتي من غرورك تهاوت --- جاك الكلام اللي يدوس الميانه


(ارسم هدف) ولاتبينا نتشاوت --- دام اكثر الجمهـــور ردد خيانه


تنبح ولاسمع لك ذيابه تعاوت --- حذرى من كلاب الخلا والاهانه


عمر الذيابه والسلق ماتخاوت --- الا اذا راح الجدي عن مكانه


مانت الدوى ولاجروحي تداوت --- ولاني طبيبك يامريض الذهانه

كم خاوت سنيني وخاوت وخاوت --- كلن على ذكراي يبكي زمانه


وانا دروبي لاتساوت0 تساوت --- اللي تبي سوه 0امانه 0امانه

بقلم غنمان الغانم العنتري

5/5/1435

جميع الحقوق محفوظه

صصح إلسسآنكك يَ الشـآعر ،
,
,
,

رهـــــــــف

صح بدنك ولاهنتي

عمر الذيابه والسلق ماتخاوت --- الا اذا راح الجدي عن مكانه




دائما تضع النقط على الحروف
تسلقت سلم الابداع دون عناء وصعدت بكلماتك عنان السماء
فاكتب وابدع ماتشاء

اقتباس المشاركة الأصلية كتبت بواسطة ابووليد القباني عمر الذيابه والسلق ماتخاوت --- الا اذا راح الجدي عن مكانه دائما تضع النقط على الحروف تسلقت سلم الابداع دون عناء وصعدت بكلماتك عنان السماء فاكتب وابدع ماتشاء

الابداع لايكمل الا بتواجد شرواك

كل الشكر على مرورك ولاهنت

ابيات جداَ رائعة ... صح لسانك وعلا شأنك

دمت دائما للتميز والابداع

صح لسانك

قصيدة تعبر عن الكثير من احداث الواقع

شكرا لك

صح لسانك على الابداع........


وافي ومن ناسٍ على الطيب وافين....