+( مايستريح القـلب )+

السلام عليكم ورحمة الله وبركاته

اعذرونا ع الآنقطاع

أتخبرون وقت مقناص

.. وأبشركم .. من فضل ربي

طرحنا شيهانتين وافيات وافتتحنا الموسم اول المقناص

وهـ القصيده ..أعتبرها عيديـّه

آسمحـولي ,,,

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مايستريح القلب من هجر الآحباب=لو طوّل اللي دمرّ الروح حبـّه
يّعلق الموضوع الآول بالآنشاب=ويحرّك الآشواق حبـّه وحبـّه
جرحي شنيع .. وكل شيٍ له أسباب=وآيام عمري كلها مستتبـّه
غير البلآ عفت الوناسه والآصحاب=أثر الغلآ حسبي عليه امتنبـّه
أمسي مع الآحلام واقوم مرتاب=كنيّ .. حياوي طاغي الصمت شبـّه
البعد .. مثل السيف قطـّاع الآرقاب=ينحد للمفجوع من دون سبـّه
لا .. ياهوى بالي .. ترى الراس ماشاب=بس إن شيبّـه غلاك ولعبـّه
تصدّ .. ماهمك .. مشاريه وعتاب=وتغيب .. وخلك كل همٍ ضربـّه
لاتنكر اعيونك مظاليل الآهداب=بعدك ترى المجروح ماشاف طبـّه
وعقبك على الآمال حدّيت الآنياب=وهليّـت من دمع المحبه محبـّه
وكرهت حالي .. والسبب مصدر أعجاب=وآآيـّست .. من ضيق الزمان ومربـّه
وكن .. الهموم السود بالقلب تنساب=يوم الغلآ راعيه داس وقلبـّه
خلك سواتي .. والرجا فيِّ ماخاب=لامن ظهر .. دمعك .. عن الناس خبـّه
وبغيابك .. إي والله ترى الحزن ماغاب=ومحشوم عن حكيّ الردى والمسبـّه
وأزريت أوّسع خاطري وافتح الباب=وأضحك فرح .. والهمّ أعزّم وأكبـّه
وأكسر عدوّك .. وأنت والشوق غـّلاب=وأقول ياعـذال حاميه ربـّه
يارب .. لو جرحي مع الوقت ماطاب=أستر .. على اللي فجرّ القلب حبـّه
[/poem]

ولاخـلآ ولا عـدم

أخوكم : عبدالله بن سنيد

صح لسانك وتسلم على القصيدة الجميلة وكل عام وانتم بخير

وفقك الله

صح لسانك والله يبشرك في الخيـر وكفو يا ذيباان
وكل عام وانت بخـير يا عبدالله الماااجدي

عبدالله الماجدي
كل عام وانت بخير ... والحمدلله على السلامه
قصيده رائعة جدا .... صح لسانك
وشكرا لك على التواصل والابداع

صح لسانك وتسلم اناملك على مانقلت لنا من ابيات جميلة

تقبل مروري

صـح السـآنك قـصـيده جـزلـه

وعيـدك مبـآرك

الحمد لله على السلامة

تصيد وتفيد

وصح لسانك على هذه الرائعة