قصيـدة الشاعـر ، ناصر مطني إلى الشاعر سعيد المحمد

[poem=font=",6,crimson,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله على الجمس المكمل بالاوراق= تـــوه مـــورد من امـريكا بطاقـه

ترميز لوحاته على كـــل الاذواق = ليا نظر له راعي الكــيف شـــاقـه

قطاوي راعيه للدرب مشـــــتاق = راعيـه معــــــروف بفـــن الســــواقه

يمشي من الباطن قبل وقت الاشراق = صوب الصديق اللي يحفظ الصداقه

يوصل سلامي والتحية والاشواق = واشرح لـ ابو محمد علوم ادقاقــه

اللي على المعروف والطيب سباق = ريف الضعيف وعزوة للرفاقــه

اشكي هموم لاجيات بالاعــــماق= باسباب خل ٍ حطني بالف عاقـــــه

وش حيلة اللي صابه الهم وانعاق = ونوم الملا ياخوك ما عاد ذاقـــه

وقلبي غدا في داخله الف دقــاق = من واحد ماعاد انا اقدر فراقــــــه

هو الوحيد اللي على خاطري لاق = ومن فرقته قلبي يزيد احتراقــــه

قلبي لهم وافي ومخلص ومشـــــتاق = ودي اشوف ابو خدود ٍ رقاقـــــــه

ابو خديد نـــــاعم ٍ تقـــل بــــــــراق= ردفه يشيل الثوب عن حجل ساقه

نزهن عن العذروب ماهو مهـلاق = وسيع خلق ولا يعرف الحماقــه

اللي عليهم دمع الاعيان دفــاق = حالي نحل ياخوك والزين باقــه

لو يحصل لي صاحبي زين الاخلاق = أشريه مابيعه ولو بالف ناقــه

امشي مع اللي لايق ٍ لي بتيفاق = قلبي على قلــبه وانا له طباقـــه

ابطلب اللي للمخـــــاليـــــق رزاق = يجيب خل ٍ صار شــوفه شفاقـه
[/poem]


الشــــــاعر / ناصر مطني ( الأميــر )

وهذا رد الشاعر أبو محمد

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله ياللي للمـــــخاليق رزاق= منشي السحاب من المخيله وساقـه

يارب ياللي منك ياتـــن الارزاق = يالواحـــد اللي منك لطـــف ولباقـــه

من بعد هذا جبت جمس وسواق = جمس يخم لك الوعـــر مــع رقــــاقـه

جمس من الممتاز من زين الارناق = تصمــيم فـــن ومـن نظر فيه شاقه

جمس عليه من السواويق سواق = مـاهــــو غشـــيمٍ ما يعرف السواقه

مرسول للي زرّف القيل بــأوراق = ساعــة لـــفانـــا الخط قمت بحثاقـــه

وخطيت بازمام القلم شف مـــالاق = هــــلا هــــلا باللي علومه شفـــاقه

ياناصر يالقرم يازبن من ضـــاق = يالـــلــــي تمــاثيــلــك تــقـــل در ناقـــه

تشكي علي من الـــــهوى مر وفراق = الحب كلــــن ذاق لوعـــة فراقــــــه

وش قال بصري من هوى حب الاشواق = قالوا تحج وقال مـــاهي صداقه

حب العذارى للمـــــعاليق فــــتاق = مـــــن لوعنـّـه بالـــــهـــوى والـــصداقــه

من طاوع الخفرات بالحب ينساق = غـــصـــبن يســــوقنـــه بلــــيا وساقه

نجلا العيون من المزايين مواق = نـــــور ٍ علــــى نور بزيـــن وثاقـــــــه

هذا الذي تطرب له النفس تشتاق = حلــــو قــــباله و إن هــــرج في نطــــاقه

ابو خديد وان كشف تــقل براق =غـــض غضــــيض يكــــسر الحجل ساقــــه

نزه ٍ شريف ٍ ما مشى وسط الاسواق = ســـتر ٍ ستـــير ٍ ما يحـــب الــدلاقـــــه

هذا الـــذي بالحــب تعطيه ميثـــاق = مـــن الشــــرف والزيــــن عقـــل ووثاقــه

أنصحك عاشر من شريفات الاعماق=بنــــت الرجــــال اللي تفـــك الوساقـــه

يقضى اللزوم لمن تنصاه لا ضاق = يـــجـي ولــــدها قــــدوةٍ للــــــرفــــــاقــه

وبنت الردي لو زينها يشرق اشراق =يجــــي ولــــدها بـــــارد الوجـه عاقــه

حذرى عن الساس الردي مالها اعماق = لا خيــــر في لا مـَــاه وابعد فراقــــه

يابن الرجال بيوم يبسات الارياق= علــى الـــشرف والطيـــــب فيـــهم حمــــاقه

بالجاه ناصل لو على قطع الاشناق = بالـــمال والا نـــاخـــــذه بالتــفــــاقــــــه

هاض الضمير وكن بالقلب دقاق = قــــيل مثــــل لطـــــم البــــحر باصــطفاقــه

نحضر ليا جانا الطلب والمثل ساق = قـــال الـــذي عــــذب التــــــماثيل شاقـه

يجيب من عذب التماثيل ما ضاق = قيــــــل ٍ حكـــيم مـــا يجـــي بــه طـــفاقــه

قلته وانا للشعر حرص ٍ ومشتاق = قيـــلك لفانـــي يابـــن الاجـــــــواد فـــاقــه
[/poem]

الشــاعر : سعيـّـد محمد المحارب ..

صح لسان ابومحمد ورد في غايه الجمال والروعه

اشكرك على النقل الرائع ...

لاهنت............

صح لسانك يابو محمد

وطال عمررك ان شاء الله

[align=center]
صـح الـسـآن ابـو محـمد وٍرد وِآفـي

وهـذا دليـل عـلى الصفـآت الحسنـه بيـنـهم

بـآرك الـآـه فيـك عـلى النقـل
[/align]

صح لسان أبو عبدالرحمن

وقصيدة في قمة الكمال والجمال

وصح لسان أبو محمد

ورد وافي وشافي من أبو محمد

وسلمت يمينك

وسلمت يمينك

صحلســــــــــانك

يابو عبــــــــد الرحمن

على القصيدة الرائعة ويستاهل ابو محمد

راااااااااااااعي الطيب

تحياااااتي

[align=center]
صـح لسـآنـك وألـسـآنـه

ويـشـوٍف صـديـقه اوِل شـي وبعـديـن يشـوف ابـوِ خـدوِدً رقـآقـه
[/align]