ذكرت ربع يكسبون التنافيل ( سعيد المحمد )

هذه القصيدة للشاعر / سعيد بن محمد الجميلي

وهي تقارن بين الما ضي والحاضر ، نترككم مع القصيدة :


[poem=font="Simplified Arabic,5,black,bold,normal" bkcolor="transparent" bkimage="" border="inset,5,blue" type=2 line=0 align=center use=ex num="0,black"]
ذكرت ربع يكسبون التنافيل = أهل الرباع مكرمين الضيوفي
لا جيتهم تلقى الكرم والتعاليل = تدله ولا تطري عليك الظروفي
يازين نشر ظعونهم بالمراحيل = لا جدعوا عن مبرقات الدفوفي
العشب زامي والمحاجر به السيل = عشب البختري غادي له حيوفي
وتلقى لهم رجم الهيازع مداهيل = مربعين بالحجر واللغوفي
ومصامد خبراه تسعة مهاليل = ميه غدير وصافي بالهيوفي
وعشب اليدية غادي له زغاميل = متواسيٍ نبت الحزم والحروفي
تلقى العشاير مردمات تقل حيل = وتردم بها الهزلاء ولو هي عيوفي
تلقى بها الفطر تسن المخاليل = يبني سنامه لو سنامه عجوفي
يا عل يسقن السحاب الهماليل = برقه من القبلة غدا له كشوفي
ويكسر بها قاع الدمث والسحاليل= يسوق سوقاته بليا صروفي
ويملا الفياض ويخضرن الهذاليل = ارتاح لا جيته ومديت شوفي
تلقى الزبيدي غادي له دحاميل = من مدلهمٍ ضوح برقه رفوفي
ونفودها خضرا وروس الغراميل = من زين نبته غادي له وصوفي
نبت الخزامى والربل له زغاميل = يا حلو سج الرجل فيه مخلوفي
ترتاح ما تشوف النكد والبهاذيل = دور مضى فيه الكرم ومعروفي
ومقيضهم عدن قراح شهاليل = ويردن على الماء كل عذرى هنوفي
ما شافن الهندي وثوب التفاصيل = ولا جت من الدكان تاخذ وتوفي
ولا طنبوا في جنبهن المهابيل = يمشى بليا أفكار تقل مخطوفي
ولا طيحوهن بالدنس والبراطيل = ولا جدعوا ببيوتهن الزروفي
نزهات ما تلقى عليهن مداخيل = ولا جت من الحارة تسج وتلوفي
بني الرجال مزينين الفناجيل = كرام السبال ويدهنون الحفوفي
وعلى المراجل ينطحون المقابيل = دروب المراجل عندهم ما تطوفي
تلقى لهم بالقفر نشر ونوازيل = بعاد الهقاوي لا نووا بالنكوفي
دنيا خذت فرسانها والحلاحيل = وقت يشيب القلب منه ويلوفي
يوم البدو ترحل على البل وتشيل = أقفى طربهم من سنين الكسوفي
واليوم دور اليوم حب وتجميل = تاكل حبوب ولا تحمل الوقوفي
ويم الطبيب وتاخذ الصبح تحليل = والدم من جوفه يجيك مغروفي
لو هي سمينه فاترة ما بها حيل = البيت واشغاله عليها كلوفي
وتسهر على التلفاز هو والتماثيل = ومن كثر ما تسهر غدت ما تشوفي[/poem]

واليوم دور اليـوم حـب وتجميـل
تاكل حبـوب ولا تحمـل الوقوفـي
ويم الطبيب وتاخذ الصبـح تحليـل
والدم من جوفـه يجيـك مغروفـي
لو هي سمينه فاترة ما بهـا حيـل
البيـت واشغالـه عليهـا كلوفـي
وتسهر على التلفاز هو والتماثيـل
ومن كثر ما تسهر غدت ما تشوفي


صح لسان الشاعر وسلم الناقل وآخر الابيات فكاهية وطريفه

شكرا لمرورك يالكايف

وصحت أبدانك

آآآآآآآآيـــــــــــــــــــــــــــــــــــــــــ ــه ويلك على دورك







قصيدة جميلة جزيلة من شاعر جزل



سلمت على النقل أخي وبارك الله فيك ...

يا عل يسقـن السحـاب الهماليـل
برقه من القبلة غدا لـه كشوفـي


امين امين


وصح لسان الشاعرالجزل سعيدالمحمد


وشكرالك ايها الامين

حياك الله يا أستاذ مخلد

وشكرا لمرورك

هلا أبو مروي

الحمد لله على السلامة

وحياك الله

شـكــ وبارك الله فيك ـــرا ...