يابو فرج قصيده للشاعر خلف حمدالطرفاوي

[poem=font=",6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يابو فـرج وشـفيك ماتطلع البـر=ماذقـت لـذات الخـلا والبـراري
ركـب الدداسن مع شـعـيـبن تحدر= اخير من ركب الشبح والفـراري
لاجـيـت بـرياضـن خـلا ماتـكـدر =يسـيح بالك في فجـوج الصحـاري
يسـيح بال اللي بـوكته تـحـيـر=بين المواعر والسـهل والخباري
لـوك مـريـضـن باذن ربي تغـيـر=تشـفى بعـد سـقمن ظهرله مواري
يرتاح بالك تنـبـسـط ماتـفـكـر=وتـمـد شـوفـك مايصـده جـداري
وتضـبط حـلات البر بقفايت الحـر=وصطن مزون الوسـم والبرق ناري
وناضن من المنشأبروقن من السـر=وثم ارتفـع برقه وبيـن اجهاري
ومن فضـل ربي سـحب المزن ومطـر=والحـمـد للي كـونه من بخـاري
وتباشـرو بالسـيـل ربعن مصـطـر=وعلوم سـيل الوسـم جاله طـوري
وزان الخلـا في كل فجـن مخـضـر=ونطلع نبي شـوفت طيور الكداري
مع صـاحبن لاقلـت هـيا انتيـسرـ=يقول عـونك مايجـيـب العـذاري
ماقال عـنـدي مـودن فيه مجـبـر=ولاقال فيـه مـتابعـه للجـواري
والابـعـضـهـم ناشـبنبك اليامـر=يقول من تطـلع تجـيني اجبـاري
لاجـيـت يـمه ثم قام ايتعـصـفـر=وجـهه وثمـن راح للمـسـتشـاري
وجاني وقلت اشـفيـه وجهك تغيـر=قـال الامـور معـقده منـت داري
شـسالفه وشـفي عـسأ ماحـصل شـر=قال المدام اليوم ترفض قـراري
قلـت المره هي حر ولا انته الحر=وقام ايتصدد مثل راس الخضـاري
اسـتر على حالك ترى وضعك اقشـر=ماربح من حـطـك رفيقن امبـاري
ياليتني ماجـيـت بـيـتك مدحـدر=ولا جيـت يمك يامطيـع العـذاري
خـلك ابيتك دايم الـدوم مجـحـر=ارافق الاصـلي مـريد التـجـاري
لاقـلـت نـطـلـع قال يالله تبـشـر=جـهـز اغراضك يابعيد المسـاري
يبقـى على المـزعد يالو اتاخـر=يترك اشـغاله واقـفن بنتضـاري
ماحـب انا مـنـهـو لقوله ايغير= واحـب قول الصدق في كل طـاري
وماحب انا الجماخ والعفن الاغبر=وماحب اناالانذال واهل المزاري
وماحب انا اللي مايقول الله اكبـر=واحـب من صـلى بوقـت الفجـاري
وماحب انا السكران واللي مشفـر=اللي بسـم ابليـس هاريه هـاري
شـبـابنا نرجـوك وحـذر تـدمــر=اللـه يحفضك من جميع الخطـاري
وماحـب بنتن وسـط الاسواق تفتـر=كل يوم تلقاهابـسـوقـن تجـاري
وماحـب بنـتن لاطـلعـت ماتسـتـر=لو مالها حـاجه تفـر الحـواري
واحـب بنـتن لبـسـها دوم ساتـر=تعرف عليها من الحجاب الوقاري
وماحب انا بالجيب لند الكـروزر=غايت منايه في ركوب السـفـاري
ياماحـلا ممـشـاه فوق المـقـيـر=سـتيـن كيلو ثم نقـطـع يسـاري
لفروع وفياضـن وسـوحـن مشـاجـر=وحتى الصمد فيها تشوف الخضاري
لصـيـد باللـه ياخـويي تـبـحـر=هالحين يقبع من هذيك المحـاري
خلنا نتمشى وبالحـماد انتقـفـر=مادامنا بول طـلـوع النـهـاري
والاتبي روضـن خـضـر فيـه نفطـر=ونـضـبـط الكاسـه ودله هـراري
والياتقهوينا مـن البن الاشـقـر=وراح العماس وزان شوف القفاري
قـم خـلنا نمـشـي ندوج ونفـتـر=شوري عليك انكان تسـمع اشواري
وراع الغـنم حذرا حواليه لاتمـر=بـذات خالد ينـثـر الدم جـاري
ولاتنسى ابومقرن وتنسى ابو بندر=لاجـيـتهم متـفك منهـم اعـذاري
وكل الجماعه مثل هالوصف واكثـر=والاترى الطيب على الطيب ضـاري
وربوعـنا مافيهـم اللي مـقـصـر=اللي سكن بالبر واهـل العماري
هم عزوتي وهلي وانا فيهم افخـر=وهم رمحي الطايل وكل افتخـاري[/poem]

صح لسانك يالغالي


قصيدة جزلة من شاعر كبير

الشاعر خلف حمد الطرفاوي .... صح لسانك على هذاالابداع الشعري المتميز

وصف رهيب وبداع شعري رائع جدا

صح لسانك
يعطيك العافية

صح لسانك ... قصيده جزله من شاعر جزل

صح لسانك

قصيدة جزلة توصف الخوي النشمي والبر والقنص

لله درك على هذا الوصف

صح لسانك

ننتضر المزيييد

تقبل مروووري

صـح السـآنك

قـصـيـده جـزٍلـه