الذنب ذنب ابوي علمني الطيب..في وقت ما للطيب فيه اي قيمه

اخواني اعضاء شبكة قبيلتناالغاليه هذاالتواصل
الاول لي معكم اتمنى ان ترضي اذواقكم00



[poem=font="Simplified Arabic,5,darkblue,bold,italic" bkcolor="transparent" bkimage="backgrounds/47.gif" border="solid,4,sienna" type=2 line=0 align=center use=ex num="0,black"]
ياكثر من دور علي العذاريب=وياكثر من حطوا وراي النميمه
ناسٍ تبي في سمعتي يذكر العيب=أهل العقول التافهه والبهيمه
كنت اعتبرهم لي ضيوف ومعازيب=وانظر لهم في كل نظره سليمه
خذيت منهم في حياتي تجاريب=وابعدت في طيبة معزه وشيمه
واخذت حقي بأمر من يعلم الغيب=والحمد لله مارجعت بهزيمه
حذرتهم عيت تفيد المناديب=لين إختلط بالجو عجّه وغيمه
كل السبب عرفي سلوم المواجيب=واكبر سبب يمناي دايم كريمه
واغضي واسامح وابعد الشك والريب=قلبٍ نصوح ونيّةٍ مستقيمه
مافاد في وقتٍ حصاده عواقيب=قلت ادخل جنانه وطحت بجحيمه
عكس الصحيح الصح والمخطي مصيب=واللي فعل معروف طيبه خصيمه
هالوقت وقتٍ للطمع والمكاسيب=واليوم صار الطيب موضه قديمه
وقتٍ يناسب لابسات الجلابيب=اللي يعشقن الهروج الذميمه
يضحك به الحصني ويبكي به الذيب=ماتنفع الحشمه ولا به حشيمه
والذنب ذنب ابوي علمني الطيب=في وقت ما للطيب فيه اي قيمه
ياللي تدور في طبوعي عذاريب =والله ماتلقى بغير الظليمه[/poem]

كل السبب عرفـي سلـوم المواجيـب
واكبـر سبـب يمنـاي دايـم كريمـه


اذاكان هذاالسبب اخي فواز! اجل فليكثروا فيك


مثل هذاالشئ وانا لك من المنتمين وانت للجمال



والشعرتنتمي ---شكراعلى هذاالنص الرائع

والذنب ذنب ابـوي علمنـي الطيـب
في وقت مـا للطيـب فيـه اي قيمـه


الله الله عليك

صح لسانك وعلا شانك

وابشرك مالك الا الاجر وعسى الله يرحم من علمك الطيب



تحية لك على هالرائعة ,,,

صح لسانك يافواااااااااااااااااز
وقصيدة تمثل شخصية قائلها وتنم عن واقع تجربة عاشها الشاعر, وبصراحة القصيدة أعجبتني , وأعجبني البيت الذي تقول فيه /
]كل السبب عرفـي سلـوم المواجيـب
واكبر سبـب يمنـاي دايـم كريمـه

ولكن لدي ملاحظة بسيطة فلو استبدل الشاعر كلمة (البهيمة)في البيت الثاني بكلمة (السقيمة ) لكان الوصف أدق وأفصح
وبالتوفيق

العزة والاعتزاز جميلة اخي فواز

لذلك انت غير ..


صح فكرك الراقي

وجميلة جدا جدا ملاحظة الغنماوي ...

هالوقـت وقـتٍ للطمـع والمكاسيـب
واليوم صار الطيـب موضـه قديمـه
وقـتٍ يناسـب لابسـات الجلابـيـب
اللـي يعشقـن الهـروج الذميـمـه




صح لسانك يافواز

السبب عرفـي سلـوم المواجيـب
واكبر سبـب يمنـاي دايـم كريمـه

كفو كفو ونعم

صح السانك

ابداع اخوي فواز
نتمنى نسمع جديد