لغز السديري

يقول السديري رحمه الله في لغزه

سيلن حدر مع وادين غير واديه ** مادري حلالن ماه والا حرامي

كانه حلال وجايزن شرب صافيه ** وش حلله يامفسرين الحلامي

هاتو تفاصيله وهاتو معانيه ** نبي الدليل اللي عليه الكلامي

نبي دليلن يفهم الدرب ماشيه ** ويسري به التايه بليلن ظلامي

احر من الزقوم مره وحاليه ** وشربه على الظامي يزيد الهيامي

وسلامتكم

بارك الله فيك أخي حر الجميلة هذة القصيدة كاملة...

شيء بقلبـي يامـلا حايـرن فيـه = شيء تحيـر بـه عقـول الفهامـي

مخفيـه بفـوادي ولا ودي ابـديـه = واداور الخيـرات شرقـن وشامـي

احترت به ما شفت شـيء يحاليـه = واليوم ابنشـد عنـه مانـي بكامـي

(سيلن حدر مع وادين غيـر واديـه = مدري حلالـن مـاه وإلا حرامـي

كانه حلال وجايزن شـرب صافيـه = وش حلله يـا مفسريـن الحلامـي)

هاتـوا تفاصيلـه وهاتـوا معانيـه = نبي الدليـل اللـي عليـه الكلامـي

نبـي دليـل يفهـم الـدرب ماشيـه = يمشي بـه التايـه بليـل الظلامـي

يمشي به التايـه ويقـدي مواطيـه = ويشرب قراح الماء لياصار ضامـي

لا شك هجسي يـوم خـلا مماشيـه = أنـه حـرام ومنـه زود الأثامـي

أحرم مـن الزقـوم مـره وحاليـه = وشربه على الضامي يزيد الهيامـي

الله مـن قلبـن همـومـه تقـزيـه = تـدك بـه مثـل الجـراد التهامـي

من ما جرى قامـت تتلـه مشاحيـه = تل الرشا من فوق هـدف المقامـي

روابعـن قامـت تصيبـه وتخطيـه = شاف الهوايل واختـلاف الاسامـي

ما يسمع الداعي اليـا قـام يدعيـه = يعوم في بحرن مـن الهـم طامـي

مـا ينتبـه للـي بصوتـه ينـاديـه = يزيـد همـه يـوم كلـن ينـامـي

يشوف وقتـن مـا عرفنـا تواليـه = وقت يشـب مَـن بسـن الفطامـي

هـذا زمانـن كـاثـرات بـلاويـه = الغيـم يقلـب فيـه عـج وكتامـي

يا بعد شرب الماء على كبد راجيـه = ما سيل الغبراء زعـوج الجهامـي

انبيك يا من كلمـة الحـق ترضيـه = اعطيك ما ينفعـك وأفهـم مرامـي

قصـرن يذلـك لا تقابـل مبانـيـه = خله عسى شامـخ طويلـه هدامـي

خله عسى ما صاب أغاديـر يفنيـه = يـودع منازلـه الطويلـه رجامـي

لوزان مدخالـه وطالـت حواميـه = شيد على الخيبـه قليـل الرحامـي

وحيـن يوريـك المذلـه وتغلـيـه = أنا أشهد أنك ميـت القلـب عامـي

مـن لا يـودك لا تـوده وترجيـه = ارفع مقامـك يـا عزيـز المقامـي

ارفع مقامك عـن عـدوك وتوذيـه = ويلحقك من تركت رفيقـك ملامـي

حـق الرفيـق وواجبـه لا تخليـه = يلزمـك مثـل الوالديـن الحشامـي

اختر عزيز الجار والحـق يعطيـه = شبل علـى هـرج يقولـه يحامـي

ما دك به عـرج المذلـه وطاريـه = يسبق على فعل الفضيلـه شمامـي

ومن قارب الاجرب بالامراض يعديه = عداوه تسطـي باللحـم والعضامـي

درب السلامـه بينـات مماشـيـه = ودرب العطب يرث عليك اللكامـي

ابعد وقلبـك نـازح البعـد يشفيـه = وتلقى عن الدار البغيضـه مقامـي

دارن بدار وداعـي الـذل عاصيـه = ولا تقبـل الذلـه نفـوس الكرامـي

الـذل مـوت حايمتـن ضوامـيـه = ادخل على منزل فروض الصيامـي

عن مقعـد بالـذل عينـك تراعيـه = الموت عند الـذل امـان وسلامـي

يرضى المذله من تـردت هقاويـه = والذل يجفل منـه قلـب العصامـي

والعبد له رب عـن النـاس يغنيـه = ولولاه ما صاب الهدف كل رامـي

تحياتي لك..