ردية بين الشاعر الكبير محيا الشريده والشاعر خلف المهدي

هذه القصيدة أسندها الشاعر الكبير : محيا بن شريده المحارب الجميلي ، على الشاعر : خلف بن مطلق المهدي الجميلي ينصحه ويوجه فيها ويضرب بعض الأمثال من الحياة بحكم تجربته فيها ، أطال بعمره ، وإليكم القصيدة


[poem=font="mateen,6,green,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا خلف يا عوضنا بالرجال القديمه=إمش ممشى هلك وافعل على ما تورا
ما تبي من حكى بالتفرقة والنميمه=إردعه عن مرامه ثم قل لا تجرا
ما تبي منه قدر واحترام وشيمه=اطرده طرد جروٍ من مجاري سمرا
العلوم الردية عاقبتها وخيمه=مثل من طش هدمه بالجليد وتعرا
شد حيلك وعزمك يا قوي العزيمه=لا تبرا من رجال الزعامه تبرا
لا تهاون بحقك ما الأهانه سليمه=خذ نصيبك بكفك للردي لا تحرا
ما قسم لك يجيك ولا عن الله هزيمه=ما يصيبك يصيبك لو تهج وتذرا
ردعة النجس فيها راس مال وغنيمه=ولك من الله به أجرٍ لا تهاب وتدرا
المراجل على عفن المساعي عظيمه=لو توريه عيبه ما أقتنع واستقرا
ما يلم الخواطر والرجال الكريمه=كود من طاب حظه واشتهر واستسرا
خل رايك سديد ولا تطيع الغشيمه=الردي لا نهيته عن جوابه تزرا
مثل من ينحر الضيفه بليا عزيمه=ما درى زروة الزاري بنفسه مورا
عند نفسه شجاع وعند ربعه بهيمه=أعجبه دم خده يوم شبع وتمرا
[/poem]

رد عليه الشاعر : خلف بن مطلق المهدي الجميلي بهذه القصيدة

[poem=font="mateen,6,indigo,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
الرسالة لفتني بالعلوم الحشيمه=من شجاعٍ على بدع المثايل مضرا
شاعرٍ لا لفى الميدان محدٍ يضيمه=كم شاعر عن ملاقات وجهه تذرا
له مكان على الشعار عالي وقيمه=مثل موج لا دك الجال قام يتهرا
ذا محيا عسى عمره طويل ويديمه=كالبدر لا ظهر غطى نجوم المجرا
دامه بجنبك اصعد لا تخاف الهزيمه=أبشر بفعلٍ ينومسك لا أونست حرا
والخبل ما سمعنا هرجته وتعليمه=كل علمٍ ما قال الحق ننفيه برا
الفعل له علوم وله دلايل عظيمه=يوم ضرب المصقل بين كرٍ وفرا
والليالي تبدل وقتها عن قديمه=ضاع صدق الرجال وبدل الخير شرا
صار فيها العفن يعد نفسه صتيمه=وإن حضر باللوازم من كلامه تبرا
الردي لو ملك خير ما فاده نعيمه=بالشدايد لا جيته ما يسر ويضرا
تايه الراي .. راع الحق دايم خصيمه=يوقفه كانه بدرب الخطا مستمرا
من بغى الطيب ظلمٍ ما له إلا الحريمه=نردعه لين عن علمه يجوز ويقرا
الله اللي فرق نور الضحى عن عتيمه=من غشا الظلم عينه للحقايق يورا
[/poem]

صح لسان الشاعر الكبير محيا الشريدة

وصح لسانك أبوسلطان على الرد الطيب

ممتعة هذه الدرر

وفقكم الله

ماشاء الله روعه

صح لسانك يالشاعر / محيا الشريده

وكذلك صح لسانك يالشاعر / خلف المهدي

ويعطيكم العافية

صح لسان الشاعر/محيا الشريده على المدح وتستاهل يا أبا سلطان
وصح لسانك على الرد

اقتباس المشاركة الأصلية كتبت بواسطة زعيم الملتقى صح لسان الشاعر الكبير محيا الشريدة وصح لسانك أبوسلطان على الرد الطيب ممتعة هذه الدرر وفقكم الله

صحت أبدانك وسلم بنانك

حياك الله

اقتباس المشاركة الأصلية كتبت بواسطة أبو اطياف ماشاء الله روعه صح لسانك يالشاعر / محيا الشريده وكذلك صح لسانك يالشاعر / خلف المهدي ويعطيكم العافية

الأروع حضورك البهي أبا أطياف

اقتباس المشاركة الأصلية كتبت بواسطة الجميلي(متعب) صح لسان الشاعر/محيا الشريده على المدح وتستاهل يا أبا سلطان وصح لسانك على الرد

صح بدنك أبا خالد

وأشكرك على المرور