طريقة تركيب الخرائط في القارمن

السلام عليكم أخواني هذا شرح مصور لطريقه تركيب الخرائط في أجهزة النوفي لأن شفت انه كثير
من الأعضاء الكرام يسأل عنها
وتختلف الطريقه من جهاز لآخر مثلا الاجهزة من سلسله 200 و سلسله 700 لها طريقه تختلف
عن الاجهزة من سلسله 1400 (وحسب ظني لست متأكد سلسله 1300 و 1200 نفس طريقه سلسله 1400)


أول شيئ طريقه التركيب على سلسله 200 و 700 على الذاكرة الداخليه للجهاز

وتبي ناخذ مثال على خريطه الشرق الأوسط الجديده 2011
أول شيئ نحملها من الرابط
http://www.mediafire.com/?2nynmvfyqmo
أو اذا ما نفع جرب هذا
http://www.zshare.net/download/7436802927dd97a7/

وبعد التحميل وبعد التحميل نفك الضغط عن الخريطه اذا كانت مظغوطه وبعد كذا لازم نغير اسم الخريطه الى أسماء يقدر الجهاز يقرأها وهذي امثله للأسماء ونستفيد منها اذا نبي نركب اكثر من خريطه
gmapsupp.img
gmapprom.img
gmapprom1.img


وبعد التحميل وتغيير اسم الخريطه نوصل الجهاز بالكمبيوتر وتدخل عليه من جهاز الكمبيوتر
وتدخل مجلد Garmin وتضع الخريطه بداخله الملف بين الملفات الكثيرة مثل ما هو موضح بالصورة
ويجب الانتباه بعدم حذف اي ملف ليس امتداده img وفيه بعد خريطه تسمى خريطه
العالم موجوده في كل جهاز لا تحذفها لأنها مهمه وهي القاعده للخرائط واذا حذفتها
تصير احد الخرائط بالجهاز شغاله على طول وما تقدر تشيل علامه الصح عنها
وهذا رابط للخريطة لجهاز 1490
http://www.4shared.com/file/3UxrDonJ/gmapbmap.html



وبعد التركيب افصل الجهاز وشغله ورح أدوات - اعدادات - خريطه - في الاسفل معلومات خريطه بعدين تلقى الخريطه موجوده حط عليها علامه صح وخلاص بتشتغل معك
ونفس الطريقه اذا بغيت تركب خرائط اضافيه لكن غير الاسم الى احد الاسماء الي فوق
يعني لا تصير خريطتين بنفس الاسم

أما التركيب على الذاكرة الخارجيه نجيب ذاكرة من نوع SD



تركب الذاكرة على الكمبيوتر بمنفذ SD اذا كان موجود أو تركبها على الجارمن نفسه وتدخل
عليها من جهاز الكمبيوتر
وبعد ما تدخل الذاكرة تسوي مجلد جديد وتسميه GARMIN وتركب الخريطه بداخل المجلد المسمى GARMIN وتسميها gmapsupp.img وخلاص تشتغل معك ان شاء الله
مع العلم ان الذاكرة الخارجيه ما تقبل الا خريطه واحده
واذا بغيت تركب اكثر من خريطه لازم تسوي عمليه دمج باحد برامج الدمج
ــــــــــــــــــــــــــــــــــــــــــــــــــ ــــــــــــــــــ

اما طريقه تركيب الخرائط على الذاكرة الداخليه للأجهزة من سلسله 1400 (وحسب ظني ما تأكدت ان الطريقه تصلح للأجهزة من سلسله 1300 و1200 لأني ما جربتها لكن اتوقع انها نفس الطريقه
لأن النظام واحد)

اول شيئ حمل الخريطه الي تبي ونأخذ نفس المثال فوق بخريطه الشرق الاوسط 2011
نحملها من احد الروابط

http://www.mediafire.com/?2nynmvfyqmo
أو اذا ما نفع جرب هذا
http://www.zshare.net/download/7436802927dd97a7/

وبعدين غير اسم الخريطه الى أحد الاسماء التاليه
gmapsupp.img
gmapprom.img
gmapprom1.img


وبعدين وصل الجهاز بالكمبيوتر

وندخل على الجارمن من جهاز الكمبيوتر



وبعدين نسوي مجلد جديد بين الملفات الكثيرة مثل ما موضح بالصورة ونسميه Map



وبعدين نضع الخريطه الي حملناها وغيرنا اسمها بداخل المجلد map



وبعدين نفصل الجارمن ونشغله ومن القائمه الرئيسيه نروح أدوات - اعدادات - خريطه









ومن اخر شيء تحت نختار معلومات خريطه



وتحط علامه صح على الخريطه الي حملناها ونشيل الصح عن الباقيات

الله يعافيك


مشكور على التوضيح

يعطيك العافيه

شكرا لك

..

بارك الله فيك