قصيدة الشاعر الكبير / فهيد الباطح الجميلي رحمه الله بـ سعود بن نخيلان الارقط الشمري

قصيدة الشاعر الكبير / فهيد الباطح الجميلي رحمه الله
بـ سعود بن نخيلان الارقط الشمري


نبيه مسيارٍ على طيّب الفال ..... قبل نروح لبيت مكه على خير
نشاهد سعود معرّب الجد والخال ..... اللي يحط الهيل بسط المباهير
ناخذ لنا ونسه وسجّه وفنجال ..... وسوالفٍ فيها من العرف تعبير
اللي بنى بيته على راس ما طال ..... على اجل هتّاش الخلا والخطاطير
الله وهب له بالسخا ماض الافعال ..... على جبينه راسمٍ نية الخير
ما شيف مثله واحدٍ يرخص المال ..... يفرح ليا كثرت عليه المسايير
من غير هذا ونسته تطرب البال ..... وله ماقفٍ عند الوجيه المسافير
رخيص ما حاشت يدينه وما قال ..... ومن راس ماله ما يهاب المخاسير
الله كريم وبالسخا حسن الاعمال ..... تزيد راعيها وقارٍ وتقدير