قصيدة الشاعر الكبير : فهيد الباطح الجميلي في صاحب السمو الملكي الامير : سلطان بن عبدالعزيز آل سعود رحمهم الله
من الشمال اجنبت والخط مع قار ... على اسردٍ قفوه تقطّع اغباره
كنّه طهاة المزن من شعف الامطار ... ان لاعه الغربي تمزّع اغثاره
انبير طبلونه طرق حدر الاصفار ... ومن الاديتر ما تقوم الحراره
مرفّعٍ راع النظر فيه يحتار ... ودّك تعاين منطحه والغماره
متنصّينٍ طير السعد واف الاشبار ... يجلا النحوس مشاهده بالزياره
سلطان اخو نوره ذرى كل محتار ... اسمه على رسمه يزود افتخاره
كفيت شر العوق يا طير غيمار ... ياللي تلوق لمشتهين الصقاره
حرٍ يصيد بمخلبه درج وطيار ... الصيرمي اللي براسه نماره
ألينْ من الديباج واقطع من النار ... وابها من الروض الخضر بالبشاره
من ناكده يسقيه كاسات الامرار ... الصيرمي اللي براسه نعاره
ما يقتبس من راي عمسين الاشوار ... اللي تعلّم بالنظام الشطاره
العلم عند الباشط النادر الحار ... ماصٍ من الجوهر تقطّع شراره
يا سعْد من مركاه مثلك ليا ثار ... عدّه بعيطا فوق راس الزباره
يذكر هديب الشام شيّال الاقطار ... حلحيل نطّاح الثقال الدباره
ياخوان نوره ما احّدٍ مثلكم صار ... مثل السنام اللي بعال الفقاره
انتم ذخاير شعبكم سر وجهار ... وانتم لمكسور القوايم اجباره
وانتم هل المعروف والمجد والكار ... سور الوطن نور البلد عن دماره
يا عل من هو عقّبك ما يجي النار ... في جاه عزّال الدجى عن نهاره
آخر 10 مشاركات
الإهداءات
منذ /21-02-2017
قصيدة الشاعر الكبير : فهيد الباطح الجميلي في سمو الامير سلطان بن عبدالعزيز رحمهم الله
العرض المتطور