هذه القصيده للشاعر علي سراي الماجدي

بـــــســــــم اللــــــه الــــرحـــــمــــن الــــــرحــــــيــــــم

الــســــــلام عـــلــــكــــم ورحــمــــــه اللــــــه وبــــــركــــــاتـــــــه

هذة القصيده للشاعر علي سراي الماجدي في رد على قصيده الشاعر الكبير محمد بن فطيس المري اللي يقول فيها:

ماهو بكفو الوقت حبك يمحيه

ياللي تخاف صروف الأيام تمحاه

وهذا رد الشاعر علي سراي الماجدي على هذا البيت:

يالله ياللي ميت القشع تحييه

ياواحدا بمرك مماته ومحياه

تأسف لمن خله قطع به وناسيه

نسى عهوده من قديم وتناساه

قلبي تهيض من محمد بطاريه

ذكرني أبن فطيس ياناس ذكراه

أهواه يأبن فطيس والقلب يغليه

وقلبي لغيره ماسمع لجه دعاه

لاتلومني يخوك يومني أبكيه

كيف الطفل ينسى حنانه ومرباه

وعيت ومن ساعه وعاتي مخاويه

من صغر سني تهت يخوك وياه

شفقا على شوفه وودي أحاكيه

عقب البطا شفقا على شوف لاماه

مشتاق يأبن فطيس شوفه وباغيه

شوق الضرير لعوده الشوف لعماه

عيني لغيره لو ضحك ماتراعيه

وعيوني الثنتين لو صد وياه

الوصل له عدة أسنين قطع فيه

وأحترت في وصله وأنا ماأقدر أنساه

عذره يقول ان السبب من عوانيه

وأنا ماأطيع اللي عذلني لفرقاه

صبرت من شانه سنين وأداريه

واليوم يامحمد تحيرت بأرضاه

ودي توجهني بقولا وأراضيه

حيثك تعرف الحب أدواه من داه

خذيت من شعرك دروسا وتوجيه

ولافيه مخلوقا ترى الحب مشقاه

الزين يامحمد لك الله راجيه

رجو البدو للسيل يسقون من ماه

البعد جرح ووصل الأحبا يبريه

وعزيل من مثلي حبيبه تناساه

ياليت وقتا راح يرجع لماضيه

وهيهات يرجع لو بكت عيني دماه

لاشك يأبن فطيس راجيك تدعيه

ياما قصيدك شاق خلي وبكاه

أدعه بشعرا خابره ومتحليه

لاسمعه اللي قاطع الوصل لباه

أن كان عود لي عسى الله يحييه

أنا على خبره وعايش برجواه

وأن كان قفى عني الله يهنيه

عسى السعاده في دروبه تلقاه

كفوا قصيدك معجبتني معانيه

يدخل صميم القلب من صوغ معناه

وصلوا عدد ماسال سيل بواديه

على رسولا ماأنثنا دون دعواه

أخــــــــــوكـــــــــــم غــــــضب الـــــبــــــنــــاقـــــــي