يا ونتي ونت جريح الأصاويب

أحبتي الكرام هذه القصيدة قالها الوالد حفظه الله وأطال في عمره ونقلتها لكم ، فأترككم مع القصيدة

[poem=font="mateen,6,deeppink,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا ونتي ونت جريح الأصاويب =يوم إن مخباط المشوك يفنـّه
تكسر عليه الحوم عوج المخاليب =حتى ليا منه قطع يا كلنّه
أمسى خلاوي في خشوم ولهابيب=برد الصواب وقام صوته يونّه
واصبح من الحسره طرف عارضه شيب=من خوف سحمات الضواري يجنّه
على حبيبٍ شعّب القلب تشعيب =عسى شبابيك البخت يقضبنّه
حمر النهود بلبته تقل تركيب=ياعنك من يقطف ثمرهن يجنّه
خشف عفر لو لا غيار الاساليب =مثل الغزال ومثل دله وفنّه
قلبي تمزع يا خلف كيف ابا اطيب =عندي قريب ويتبلـّج بسنّه
لولا الحيا لا أفتق أزراري من الجيب =وصيح صيحة من لياليه وطنّه
صبرت مير أفضيت غصب بلا طيب=والجرح الأول فتق الله أشفنّه
الفرق عند المقبله يا معازيب =يظهر لكم شيٍ بقلبي نكنّه
الضرب عند أرقاب حرش العراقيب =على ظهور امناتلات الاعنّه
أما نصير أحباب دنيا واصاحيب =على نقى وسلوم حق و سنّه
ولا عزمنا عن هواكم بتجنيب=أموت ما حطيت منكم مضنّه
يرزقني اللي يرزق الطير والذيب =اللي ليا مد العطى ما يمنّه
[/poem]

صح لسان والدك وتسلم يمناك لا عدمناك


الشاعر معطاب شاعر كبير من الشعراء الذين نفخر بهم\

فجزاك الله كل خير على هذه القصيدة الجميلة ونطلب منك أن تثرينا بقصائد والدك فهو إثراء لموروثنا الشعري

بارك الله فيك

صح لسان الشاعر الكبير والأديب معطاب مسيعيد الحفر الجميلي

وتسلم أبومعطاب على نقل القصيدة لنا

ونتمنى منك تزويدنا بقصائد الشاعر الكبير

شكرا لك

تسلم على النقل أبومعطاب على النقل
ومعطاب مسيعيد غني عن التعريف
شكرا لك على مانقلت

صح لسانك .....بارك الله فيك

صح لسان شاعرها وسلمت اناملك على النقل .


قصيدة في غاية الجمال . اشكرك من الاعماق.

قصيدة جزله من شاعر جزل
شكرا لك على النقل

صح لسان الشاعر الكبير ابو محمد فقد استمتعنا بالكثير من قصائده الرائعة

وشكرا لك يابو معطاب على نقل هذه الرائعة وكلنا أمل بأن تتحفنا بكل ماهو جديد وقديم لشاعرنا الكبير

بإنتظارك