راكب اللي تاعبين عليه المتجر ( معطاب الجميلي )

هذه القصيدة للشاعر الكبير : معطاب بن مسيعيد بن حفر الجميلي

قصيدة تناولتها الصحف والمجلات وغناها المنشدون والرواة واليوم نأتي بها من مصدرها فاستمتعوا بقراءتها

اسمح لنا يا أبا معطاب بهذه المقدمة

[poem=font="mateen,6,teal,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
راكب اللي تاعبين علية المتجر=هاف يوم الهاف ماله مع العالم وجود
احمر سته وستين لوحاته سمر =في ثلاثين ألف بالضبط للبيع محدود
اشتراه اللي يبي قطف نوار الزهر =دافع كل الثمن فيه مايطلب قصود
مرنه وسط البلد لين وافق للسفر=ماتغالى فية دفع الخساير والنقود
دخله عقب التمرن كراجات النمر =لجل تضبيط اللحايق وتدبيل العضود
ودبل السبرنق عن لا يميل وينهصر=والتوايرجدد طقم برجستون سود
حمله من عند خيطان واجنب للبحر=من تقاطيع الشعيبة على مينة سعود
يسهج الوفرة ومنها مشى عقب الظهر=ناحر الكبريت ماله عن النقطة صدود
جاك مثل مجاديع الذيب معطيهم نحر=حاذفن نفسه تحت عين حلاًل العقود
مرَهم في غفلةْ قبل يوخذ له حذر =واونسوا حسه وهم قبل رقاد هجود
واطلبوه اخوات رشده يقصون الأثر=خلوا الرشاش قفوه مثل قصف الرعود
اطلبوه بموتر لا يسر ولا يضر=قفو راع الهاف تقل يتشلبا له سنود
يطردون الهاف ماعندهم علم وخبر=هو جديد ولا قضب طارته رخو الزنود
امزع كنه قطاة موحشها الذير =كل ماقالوا نبي نلحقه لنه يزود
ماركة مصنع امريكا ماهو دوج وشفر =وارد كل يعرفة مجرب ومحمود
يطنخ السايق بحسه ليا منه زفر=عند مايذكر غرابيل نزلات وصعود
صافي منه النواظر تحير وتفتكر=اسرد ودك تغطيه عن عين الحسود
تايره يفرى الزبارة ليا صارت وعر =يقطع العرق المخشم ورملات الرهود
المواتر كالكواكب وهو مثل القمر =مايسبه كود كوبان والهيس الربود
ظالم حظه ولا له من المولى ذخر=واعترض عوج الطلايب وتقصير القيود
كيف يشنى واحد بان فعله واشتهر=الله الشاهد على الحق والعالم شهود
مايفيدن السوالف اليا قل الظفر=مادرى ان الحكي والكذب شوك للكبود
اعترض له واتولاه لين انه يقر=واظهر اللي به من اوصاخ من عاد وثمود
كود واحد مخمل ومتحسف له عذر=ندمح الزله وندمح عجاريف الفهود
ينتبه عن مثلها لا يزل بها القدر=تكبر الدعوى وتطول مجاذيب العدود
[/poem]




وسلامتكم،،،،،

أشكرك أخي الكريم أبا معطاب على إدارج القصيدة كاملة

وفقك الله حيثما كنت ورزقك والدك الصحة و العافية

اسمح لنا بوضع مقدمة للقصيدة وتنسيقها

على العموم أشكرك جزيل الشكر وارجوا أن تزودنا بإبداعاتك والدك التي يطرب لها السامع

وفقك الله

بارك الله فيك اخي ابو معطاب على ادراج القصيدة كامله
وصح لسان الشاعر الكبير معطاب المسعيد الحفر
فقصائدة من القصائد الجزله والممتعة
نرجوا منك التواصل وتزويدنا بكل ماهو جديد لشاعرنا الكبير ابو محمد

صح لساان الشاعر ابومحمد غني عن التعريف

وتسلم يمينك ابومعطاب على النقل المميز

والشكر موصول للأخ خلف على التعليق

قصيدة رائعة وجزله ... صح لسان الشاعر ابو محمد

ابو معطاب تسلم على النقل الكامل للقصيدة

وصح لسان الشاعر معطاب الجميلي على هذه القصيدة

وصح لسان الشاعر معطاب الجميلي على هذه القصيدة</i>