موقف غريب وقصيده

... اخواني هذا موقف صار معاي .... حقيقة قبل سنتين
كنت مدعوا على احدى حفلات الزواج من احد ابناء قبيلة الجميل وانا بالطريق متجها نحو القاعة و قبل ان اوقف على القاعة اتصل بي اخوي الاصغر على طول وهو مستعجل يقول وينك قلت انا عند باب القاعة قال بسرعة ادخل في مفاجأه لك ... انا استغربت وهو اول مره يكلمني بالطريقه هذي وش فيه قال ادخل وانا بالباب انتظرك ..... دخلت واذا هو بالباب ينتظر قال تعال شوف بعينك قلت وش فيه قال تبي تشوف ابوي الله يرحمة وبهذه العبارة تغيرت جميع الاتجاهات النفسية مباشرة قلت وين قال ادخل والتفت يمين وانت ماشي للعريس... دخلت ثم نظرت نظره شوق ولهفه الى اليمين الا وعيني بعين انسان لولا الايمان بالله لقلت ابوي طلع من القبر انصدمت جداً قبل ان اوصل الا المنصة وانا اطالع فيه .. سبحان الله هذا الشخص اعرفه قديماً ولكن لم أراه منذ الصغر وقد كان جارقديم وانا صغير فلما سلمت على العريس وانا صامت لم اقم بالسلام على اهل الحفل ولاا المدعوين ابداّ رحت وجلست جلست ذهول واخوي بجنبي يبتسم بعد ان كحل عيونه بالنظر له ... واغلب احفاده يقولون تشوف ذاك يشبه جدي ... سبحان الخالق من الشبه اربعين ....هذا الرجل يقرب لابوي من جهت الام ...هو خليف المهدي ... منها وبنفس اللحظه وعلى عجل وبدون تعديل او تفكير كتبت ثمان ابيات وحلفت ما اعدل شي حتى ولو لم تصل الا مستوى الشعر...

[poem=font=",6,,normal,normal" bkcolor="transparent" bkimage="" border="none,4,sienna" type=0 line=0 align=center use=ex num="0,black""]
من باب ذاك المحفل اللي به اشتقت=وانا تضارب فرحتي والغبينه
من قوّة الصدمة عن الناس دنقت=عجزت اهدّي خافقي من حنينه
ابطيت اهدّي موقفي لين مافقت=من عقب ماثرت الجروح الدفينه
اكثرهم اللي يحسب اني تضايقت=لاني حضرت ومادفعت الثمينه
يوم ان زاح الضيق عني وانا رقت=حبيت بين الناس خشمه وعينه
شبيه ابوي وفي شبيهه تعلقت=كنه طلع من قبره لفاقدينه
ساعة مشى واقفى وانااراجع الوقت=واقول ذي رجلينه وذي يدينه
امشي معه كني على ريحه انسقت=وادعي له ان الله يمدد سنينه[/poem]

بكل ود وتقدير......................

يوم ان زاح الضيق عني وانا رقت...
........................حبيت بين الناس خشمـه وعينـه
شبيه ابوي وفـي شبيهـه تعلقـت.
.........................كنـه طلـع مـن قبـره لفاقــــــدينـه
ساعة مشى واقفى وانااراجع الوقت.
.........................واقـول ذي رجلينـه وذي يدينـه



ياسلام عليك يافواز اقسم بالله أدمعت عيني ووقفت شامخا
بهذا الموقف الرجولي ومحبتك لشبيه ابوك على خشمه وعينة
انما هو توقير وتقديرلأبوك ولذلك الرجل الذي هو عمك من الأم

رحم الله والدك وأطال عمر عمك على طاعة رب العالمين..

الله الله الله

ما أجمل العفوية وماأجزلها

لله درك والله لايضرك
شعرت بحزن القصيدة والله
قصيدة تامة تامة تامة

رحم الله والدك وغفر له وأمد الله عمر العم الشيخ خليف مهدي ومتعه الله بالصحة والعافية
فقد رأيته وجلست معه أيضا .

اخي / الكـ,,,,,,,,,,,ايف ...تحية الاخوة والاحترام



يعجز اللسان عن التعبير حينما يقرأ هذه القصة والابيات ...ليعرف ان الك,,,,ايف له تجارب مع الحياة وله تعامل مع المواقف ولااخفي عليك اخي مايجول في خاطري !!


قرأت القصة والقصيدة حتى الثمالة ....فرأيت ما احزنني وابتهجت بما افرحني ...!!..احزنني تذكر والدك الله يرحمة رحمة واسعة ويسكنه جناته في هذا الموقف .....وافرحني قوة رباطة جأشك وحسن تعاملك وروعة اسلوبك ....




اكتشفت الكـ,,,,ايف انه يحمل جزاله الشعر وقوة التأثير التي جعلت من القاري يتفاعل مع هذا الطرح النادر والعفوية الراقية الذي امتعنا بها على طول مسيرة القصة الى نهاية ماكتب ....



رحم الله اباك واطال الله عمر الشيخ / خليف ومتعة الله بالصحة وموفور العافية



على الخير والمحبة نلتقي



اخوكم / الاســـــــــــــــد

والله ابكيتني يالكاايف ...

رحم الله والدك فهو شيخ ابن شيخ ..

وامد الله عمر العم خليف المهدي ...


صح لساانك ,,


:
:

رحم الله والدك وأسكنه فسيح جناته

وأطال الله في عمر الشيخ خليف المهدي

وصح لسانك ، فقد أبدعت

من قوّة الصدمة عن الناس دنق ـتعجزت اهدّي خافقي مـن حنينـه
الله يرحمه ويغمد روحه بالجنة ....
لبوك الرحمه .... ولك ولشبيه طولة العمر ,

روعه ... صادقه
صح لسانك

اقتباس المشاركة الأصلية كتبت بواسطة سعدالجميلي يوم ان زاح الضيق عني وانا رقت... ........................حبيت بين الناس خشمـه وعينـه شبيه ابوي وفـي شبيهـه تعلقـت. .........................كنـه طلـع مـن قبـره لفاقــــــدينـه ساعة مشى واقفى وانااراجع الوقت. .........................واقـول ذي رجلينـه وذي يدينـه ياسلام عليك يافواز اقسم بالله أدمعت عيني ووقفت شامخا بهذا الموقف الرجولي ومحبتك لشبيه ابوك على خشمه وعينة انما هو توقير وتقديرلأبوك ولذلك الرجل الذي هو عمك من الأم رحم الله والدك وأطال عمر عمك على طاعة رب العالمين..

شهادتك فخر للشاعر